Чүй облусунун Жайыл районуна караштуу Кара-Балта шаарында айнек заводдон чыккан өрт саат 12:20да толук өчүрүлдү. Учурда өрттүн келип чыгуу себептери аныкталууда. Бул тууралуу ӨКМнын басма сөз кызматынан билдиришти.
Белгилей кетсек, бүгүн, 19-сентябрда кырсык боюнча маалымат Өзгөчө кырдаалдар министрлигине саат 10:18де келип түшкөн. Өрт №29-айнек заводдун чатырынан чыккан. Саат 11:00дө чектөөгө алынган. Өрттү өчүрүүгө ӨКМдан 2 бөлүм жана «Джунда» мунай иштетүүчү ишканасынан 4 өрт өчүрүү бөлүмдөрү тартылган.
