Кечээ, 17-август күнү кечинде кыргызстандык ажылардын алгачкы тобу Жидда-Бишкек багыты боюнча Бишкек шаарына келишти. Кыргызстан мусулмандар дин башкармалыгынын басма сөз кызматынан кабарлагандай, алгачкы топ менен 400 ажы келген.
Ажылардын тосуп алуу саамалыгына Кыргызстан мусулмандар дин башкармалыгынын жетекчилери жана ажылардын жакныдары катышты.
17-августтан тартып 1-сентябрга чейин кыргызстандык ажылар Жидда-Бишкек, Жидда-Ош жана Медина-Ош багыттары боюнча Кыргызстанга кайтып келишмекчи. Жалпысынан 18 каттам уюштурулган.
Эскерте кетсек, быйыл Сауд Араб Падышачылыгынын ажылык министрлиги бул жылы Кыргызстанга 6010 квота бөлүп берген.
