Бишкектин Ак-Ордо конушундагы №96 мектептин окуучусун футбол дарбазасы басып калды. Бул тууралуу Саламаттыкты сактоо министрлигинен билдиришти.
Маалыматка караганда, сабак учурунда жабыркаган бала 5-класстын окуучусу болгон. Ал окуядан кийин эс-учун жоготуп, №3 шаардык ооруканага жеткирилген. Учурда ал оорукананын нейрохирургия бөлүмүндө дарыланып жатат. Дарыгерлер анын абалын орто оор деп баалашууда.
