Бишкектин “Дордой” базарынын айланасындагы “Кербен” базарында тажикстандын жараны бычакталып каза болду.
Бишкек шаардык милициясынын басма сөз кызматы кабарлагандай, окуя 12-ноябрда эрте менен болгон.
“Тажикстандык эки жаран акча маселесинен улам мушташа кеткен. Алардын бири экинчисинин төшүнө бычак сайып жиберген. Жабырлануучу оор жаракат алгандыктан окуя болгон жерден каза болгон”, — деп жазылат маалымматта.
Бул факт “Адам өлтүрүү” беренеси менен Кылмыштар жана жоруктардын бирдиктүү реестрине катталып, иш сотко чейинки өндүрүшкө алынган.
30 жаштагы кылмышка шектүү кармалып, убактылуу кармоочу жайга киргизилген.
