Бүгүн, 5-февралда Жогорку Кеңештин жыйынында вице-премьер-министрликке Эркин Асрандиевдин талапкерлиги каралып жаткан учурда депутат Марлен Маматалиев Мамлекеттик ипотеканы 4 пайыздан берүүгө өкмөттүн шарттары бар экенин билдирди.
Депутат Асрандиевге кайрылып, Мамлекеттик ипотеканын пайызы боюнча айтты.
“Мамлеттик ипотеканы 4 пайыздан бергенге шарттар бар. Биздин жарандарга алгачкы төлөм деген да бир балээ болуп жатат. Ушуну дагы түшүрүү боюнча механизм иштеп чыксаңыз жакшы болмок. Бул абдан керек болуп жатат”, – деди эл өкүлү.
Мамлекеттик ипотекалык компания өкмөттүн «Арзан турак жай – 2015-2020» программасынын алкагында түзүлгөн. Бүгүнкү күндө ипоткалык компания 5 млрд сомго жакын суммага 4 миңден ашуун ипотекалык насыяларды берди.
