Өкмөткө караштуу Экологиялык жана техникалык коопсуздук боюнча мамлекеттик инспекциясынын директору болуп Мырзабек Жыпаркулов дайындалды.
Тиешелүү буйрукка өкмөт башчы Мухаммедкалый Абылгазиев кол койгон.
Жыпаркулов 2015-жылы Экологиялык жана техникалык коопсуздук боюнча мамлекеттик инспекциясынын директорунун техникалык блок боюнча орун басары болуп иштеген.
Буга чейин Экотехинспекцияны жетектеп келген Жолдошбек Жунушев февраль айынын башында кызматтан алынган.
24-январда өткөн Коопсуздук кеңешинин жыйынында бир катар чиновниктер кызматтан бошотулуп тартип жазага тартылмай болгон. Алардын арасында дал ушул Жолдошбек Жунушевдин да аты аталган.
