Финансы министринин орун басары Мирланбек Байгончоков ээлеген кызматынан бошотулду. Ал берген арызынын негизинде ээлеген кызматынан бошотулду. Анын ордуна Абдыбалы тегин Суеркул Финансы министринин орун басары болуп дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу өкмөттүн маалымат кызматы кабарлады.
Бүгүн, 3-июлда Финансы министрлигинин борбордук аппаратынын жамаатына министрдин жаңы орун басарын Өкмөттүн Аппарат Жетекчиси – министр Самат Кылжыев тааныштырды.
