Индия Айга планета аралык космостук станция учурду. “Чандраян-2” миссиясы ийгиликтүү ишке ашса космостук станция алгач ирет Айдын түштүк тарбына конот, деп жазат ВВС маалымат кызматы.
Бул долбоорго 145 млн доллар жумшалган. Космостук аппарат тиркелген ракета Шрихарикота аралындагы космодромдон жергиликтүү убакыт боюнча 14:43тө ийгиликтүү учурулган.
Эл аралык космостук станция 23 күн Жердин орбитасын айланып жүрөт да андан соң Айдын орбитасына өтөт. Эгер баары ойдогудай ишке ашса анда Индия СССР, АКШ жана Кытайдан кийинки Айга космостук станция учурган төртүнчү мамлекет болот.
