Кадамжай шаарында өз ара пикир келишпестиктен улам күйөөсү аялын бычак менен жардар кылды. Бул тууралуу Баткен облустук милициянын басма сөз кызматы билдирет.
Маалым болгондой, жубайлар 20-февраль күнү кечке маал уруша кеткен.
“Күйөөсү колунда иштетип жаткан бычагын аялын көздөй кокусунан шилтегенде, аялынын сол жак бөйрөгүнүн үстүнө сайылып кеткен. Учурда жабырлануучу ооруканда, абалы туруктуу”, — деп билдирди басма сөз катчы.
Бул факты Ден соолукка анча оор эмес зыян келтирүү беренеси менен бирдиктүү реестрге катталып, азыркы күндө текшерүү иштери жүрүп жатат.
