2020-жылдагы ажылык иштерин баштоо боюнча ажылыкты уюштуруу штабынын алгачкы жыйыны болуп өттү. Бул тууралуу Кыргызстан мусулмандарынын дин башкармалыгынан билдиришти.
10-декабрда болуп өткөн жыйында ажылыкты уюштуруу штабынын жетекчиси Жоробай ажы Шергазыев, ажылыкты ачык-айкын өткөрүү үчүн Азирети Муфтий Максатбек ажы Токтомушевдин буйругу чыкканын белгилеп өттү.
“2020-жылдагы ажылыкты уюштуруу боюнча мекемелер аралык комиссия түзүлдү. Алланын конокторуна жогорку деңгээлде кызмат кылалы, бул өтө соопту иш”, — деди Жоробай ажы Шергазыев.
Мындан сырткары жыйынында 2019-2020-жылдагы өтө турган конкурстар жана ажылыкка каттоо маселеси каралып, декабрь айынын ортосунда конкурстарга жарыялар берилери жана ажылыкка каттоо башталары белгилүү болду.
