«Коопсуз кичирайон» долбоорун ишке ашырууга жергиликтүү бюджеттен 1 млн 500 миң сом бөлүндү. Бул тууралуу Бишкек шаарынын мэриясынын басма сөз кызматы кабарлады.
Өкмөт башчы Мухаммедкалый Абылгазиев кандай реформа болбосун тартип жана тынчтык шартында гана ишке аша турганын айтты.
Пилоттун алкагында октябрь районунун 6-кичи району тандалды. Баштапкы этабында коомдук административдик объекттердин жанында жана жолдордун ички кесилиштеринде 72 видеокамера орнотулду.
Мэрия белгилегендей, камералардын жардамы менен бир катар уурдоолордун жана башка кылмыштардын бети ачылды.
Кийинки этапта 11-12чи жана «Асанбай» кичи райондорунда видеокамералар орнотулат.
