Ош шаарынын аймагында коронавирустун алдын алуу максатында мечиттерде жана коомдук транспорттордо дезинфекциялоо иштери жүрдү.
Шаардык мэриянын басма сөз кызматы кабарлагандай, дезинфекциялоо санитардык-эпидемиологиялык көзөмөл борборунун адистери тарабынан жүргүзүлгөн.
“Ош шаарындагы 78 мечитте, 3 медресе, 14 намазканада, 4 диний окуу борборунда, 6 диний коомдук уюмдар дезинфекцияланды. Мындан сырткары тарабынан коронавирус илдетинин алдын алуу боюнча даярдалган плакаттар мечиттерге таркатылып берилди”, — деп жазылат маалыматта.
“Сулайман-Тоо” борбордук мечитинде коронавирус илдетинин алдын алуу боюнча жыйын өткөрүлүп, имамдарга тиешелүү тапшырмалар берилген.
Мындан сырткары, автобус жана троллейбустар дезинфекцияланып, андан соң коронавирус илдетинин алдын алуу боюнча даярдалган плакаттар илинген.
