Өткөн ишембиде Трамп АКШ Ирандын 52 имаратын бутага алганын, алардын арасында маданий объекттер да бар экенин айткан. Президент эгер Иран АКШ жарандарына же мүлкүнө кол салса, жогорудагы имараттарга чабуул жасала турганын эскерткен.
7-январда АКШ коргоо министри Марк Эспер менен мамлекеттик департаменттин башчысы Майк Помпео журналисттерге кайрылып, Вашингтон “согуш мыйзамдарын” сактай турганын айтышкан.
Трамптын айланасындагы кишилер маданий мурастарга сокку уруу аскердик кылмыш болуп эсептелерин жакшы түшүнүшкөн.
АКШ президентинин опузасы дүйнөнүн көптөгөн өлкөлөрүндө сынга алынган.
Ирандын атайын даярдыктагы “Кудс” бөлүгүнүн командири генерал Касем Сүлейманинин АКШ тарабынан өлтүрүлүшүнө байланыштуу эки өлкөнүн ортосунда чыңалуу күчоп кеткен.
