Кыргызстанда парламенттик шайлоо 4-октябрга белгиленген. 4-сентябрдан баштап үгүт иштери башталып, Борбордук шайлоо комиссиясынан каттоодон өткөн 16 партия аймактарда үгүт иштерин жүргүзүүдө.
Алардын бири “Чоң Казат” саясий партиясынын үгүт иштеринин жүрүшүндө аталган саясий биримдиктин лидерлеринин бири Сыймык Жапыкеевдин эл алдында сүйлөгөнү талкууга түштү. Тактап айтканда сүйлөп жатып, колу менен элге көргөзгөн “маданиятсыз” нерселери ар кандай талаш тартышты туудурду.
Айрымдар элди сыйлабастык десе, айрымдар туура нерсени ачык айтып ачык көрсөтүүдө деген пикирлерин билдиришүүдө.
