Бүгүн, 27-февралда Жогорку Кеңеш жазгы талаа иштерине даярдык тууралуу өкмөттүн маалыматын угуп жатат.
Жыйында вице-премьер-министр Кубатбек Боронов Кыргызстанда жазгы талаа иштерине даярдык планга ылайык жүрүп жатканын айтып, айдоо аянттары былтыркыга караганда көбүрөөк болорун билдирди.
«Дыйкандар жеңилдетилген шартта насыя, үрөн менен өз убагында камсыз болот. Өткөн жылга салыштырмалуу быйыл айдоо жерлердин аянты көбөйөт. Тактап айтканда жалпы себүү аянттар 1 миллион 219 миң гектар болот. Жазгы себүү иштери 745 миң гектар жерде жүргүзүлөт», — деп маалымдады Боронов.