Бир сутканын ичинде республиканын аймагында 15 өрт кырсыгы катталып, өрттү өчүрүүгө 21 өрт өчүрүү бөлүмдөрү тартылган. Бул тууралуу Өзгөчө кырдаалдар министрлигинен билдиришти.
Өрт кырсыгы катталган аймактар: Бишкек 4, Чүй 7, Жалал-Абад 3, Нарын 1.
Кечээ, 15-июнда Бишкекте ири өрт кырсыгы катталган.
«Сухэ-Батор көчөсү, жалпы аянты 450 чарчы метр болгон жыгач устундуу темир жабылган дарыкана, тез-татым, дүкөн жана тиричилик электр жабдуулары толугу менен күйгөн. Өрт болгон жерде газ баллон жарылган. Өрттүн кесепетинен бир адам каза болгон», — деп жазылат маалыматта.
