Мектепке чейинки билим берүү уюмдары 5-июндан баштап иштей башташат. Алардын иши, Саламаттык сактоо министрлигинин алгоритмине ылайык, бардык санитардык талаптарды сактоо менен жүргүзүлөт. Бул тууралуу бүгүн, 29-майда Өкмөт үйүндө өткөн жыйында биринчи вице-премьер-министр Кубанычбек Боронов билдирди.
«5-июндан башталышынын себеби, ага чейин иштей турган уюмдардын даярдыгына текшерүү жүргүзүлүп, ар бир уюмга жекече уруксат берилет. Ал эми бала бакчалардын даярдыгы мэрия тарабынан көзмөлгө алынат”, — деди Боронов.