Өзбек чек арачылары Тилек Матраимовду Кыргыз тарапка өткөрүп берди. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, 9-октябрь күнү Өзбекстандын чек арасынан мыйзамсыз өтүп жатып кармалган Кыргызстандын жарандары Тилек Матраимов, Зиябиддинбек Кочкорбаев, жана Махсуд Ахмедов аттуу адамдар Кыргызстандын укук коргоо органдарына өткөрүлүп берилген.
Алар 6-октябрда Өзбекстандын чек арасынан мыйзамсыз кирип жатып өзбек чек арачылары тарабынан кармалган.
Учурда УКМК тарабынан «Кылмыш Жаза» Кодексинин 358-беренеси менен сотко чейинки өндүрүш ачылган.