Бүгүн президент Садыр Жапаров ишкерлер менен жолугушту. Ага базардын кожоюндары дагы катышты.
Ишкерлер соода тармагы көзөмөл-кассалык машиналарды колдонууга даярдыгын айтты.
Мамлекеттик салык кызматынын төрагасы Алтынбек Абдувапов электрондук коштомо кагаздарды колдонбоо үчүн айып пул салуу 2025-жылдын 1-январына чейин токтотулганын кабарлады.
Белгилей кетсек, 1-июлдан тарта чакан жана орто бизнес ККМ-аппараттарды колдонууга жана салык төлөөнүн жаңы режимине өтөт. Соода тармагында патент менен иштөө жоюлат. Учурда базарларда иштегендер жеке ишкер катары катталууда.