Кыргызстанда соңку бир сутка ичинде коронавирус 41 адамдан жаңы катталды. Бул тууралуу 13-июнда саламаттык сактоо министринин орун басары Нурболот Үсөнбаев Өкмөт үйүндө өткөн онлайн-бирифингде билдирди.
Коронавирус аныкталган аймактактар: Бишкек ш. – 18,Чүй облусу — 6, Ош ш. – 6, Ош облусу — 2, Баткен облусу — 1, Ысык-Көл облусу — 2, Нарын облусу — 3, Жалал-Абад облусу — 3.
Жалпысынан 13- июнга карата Кыргызстанда коронавирус 2207 адамга жуккан.
Кыргызстан боюнча бир сутка ичинде 54 бейтап айыгып чыгып, жалпы айыккандардын саны 1722 адамга жетти.