Бишкекте 14 жашар бала электр болгаркасынан алган жаракатынан улам окуя болгон жерде жан берген. Бул тууралуу шаардык милициядан билдиришти.
6-апрелде милициянын нөөмөт бөлүмүнө Ак-Ордо-3 конушундагы менчик үйлөрдүн өспүрүм бала өзүнө жаракат келтирип, каза болгону тууралуу маалымат келип түшкөн.
Окуя болгон жерге барган милиция кызматкерлери, үйдүн ичинен 14 жашар баланын жансыз денесин көрүшкөн. Ага кароо жүргүзгөндө бала электр болгаркасы менен моюнуна жаракат келтирип, жеринде каза болгону аныкталган. Ал 2007-жылы туулган С.С. аттуу болгон.
Бул факты боюнча 136-берене «өзүн өлтүрүүгө жеткирүү» менен катталып, тийиштүү экспертизалар дайындалып, тергөө иштери уланып жатканы айтылат.