2024-жылдын алты айында 97 адам чет өлкөнүн жарандыгы бар мекендеш макамына ээ болду. Бул тууралуу Эмгек министрлиги билдирди.
«Мекен — карт» улуттук демилге иштей баштагандан бери 187 арыз кабыл алынып, анын ичинен 150 арыз канааттандырылган.
Өткөн жылдын март айынан тарта Кыргызстандын мурдагы жарандары, алардын балдары жана неберелери мекендеш макамын алууга арыз берүүгө укуктуу.
«Мекен-карт» Кыргызстандын аймагына тоскоолдуксуз кирүүнү жана калууну, билим берүү жана медицина кызматтарынын жеткиликтүүлүгүн, уруксат берүүчү документтерди жол-жоболоштурбастан эмгек ишмердүүлүгүн жүргүзүү мүмкүнчүлүгүн жана башка көптөгөн нерселерди камсыз кылат.
Арыздарды кароо мөөнөтү — 1,5 — 3 ай.