Кыргызстандагы Россиянын элчилиги маалымдайт: 2025-жылдын 30-июнунан 2026-жылдын 30-июнуна чейин визасы жок жарандар үчүн Россияга кирүү боюнча эксперименттик тартип иштейт.
Сапарга чейин эмне кылуу керек?
Россияга кирүү үчүн төмөнкү кадамдарды алдын ала аткаруу зарыл:
-
Электрондук арыз берүү керек болот.
-
Бирдиктүү идентификациялоо системасынан (ЕСИА) каттоодон өтүү.
-
«ruID» мобилдик тиркемесин жүктөп алуу (ал 2025-жылдын 23-июнунан кийин тиркемелер дүкөнүндө жеткиликтүү болот).
-
Электрондук арызды ушул тиркеме аркылуу чек арадан өтүүгө 72 саат калганда бериңиз (өзгөчө кырдаалда — 4 саат калганда).
Кимдерге бул тиешеси жок?
Жаңы эрежелер төмөнкү жарандарга колдонулбайт:
-
Беларус Республикасынын жарандарына;
-
Дипломаттык жана кызматтык паспорт ээлерине;
-
6 жашка чейинки балдарга.
Виза (анын ичинде бирдиктүү электрондук виза) алып кире тургандар үчүн кирүү тартиби өзгөрүүсүз калат.