Бир сутка ичинде COVID-19 U07.1 жана U07.2 инфекциясынын жаңы 325 учуру катталды. Бул тууралуу Республикалык ыкчам штабдан билдирди.
Маалыматка ылайык, соңку суткада 5099 кишиден ПЧР тест алынган.
Алар:
Бишкек шаарында – 211;
Ош шаарында – 5;
Чүй облусунда – 83;
Ош облусунда – 3;
Талас облусунда – 0;
Нарын облусунда – 2;
Ысык-Көл облусунда – 25;
Жалал-Абад облусунда – 0;
Баткен облусунда – 2.
Ошондой эле инфекция 6 медицина кызматкеринен табылган.
Ал эми COVID-19 жана пневмониядан бир суткада 268 бейтап сакайды. Илдеттен Бишкекте 2, Чүйдө 2, Ысык-Көл облусунда 2 киши каза болду.
Белгилей кетсек, пандемия башталгандан бери COVID-19 95 миң 275 адамдан аныкталды. Анын ичинен 89 миң 191 бейтап айыгып, 1 миң 604 киши каза болду.