Кыргызстанда соңку бир сутка ичинде коронавирус жуккан 68 жаңы учур катталды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Коронавирус төмөнкү аймактардан катталды:
Бишкек ш. – 9;
Чуй облусу – 5;
Ош ш. – 2;
Баткен облусу – 1;
Нарын облусу – 4;
Орусиядан келгендерден – 47, алардын ичинен 26 учур курсанттар, 11 учур боюнда бар аялдар, 10 учур студенттер.
Жалпысынан 29-майга карата Кыргызстанда коронавирус 1662 адамдан табылды.
Бир сутка ичинде 22 бейтап ооруканадан чыгарылып, ушул күнгө чейин айыккандардын саны 1088 адамга жетти.