Пакистандык студенттерди сабаганга шектелип кармалган 3 адам бир айга тергөө абагына камакка алынды. Бул тууралуу Чүй облустук милициясынын басма сөз кызматы билдирди.
Кармалгандадын үстүнөн «Бейбаштык» беренеси боюнча иликтөө иштери жүргүзүлүп жатканы, ал эми пакистандык ыктыярчы Аббас Али Шахтын сынган мурдуна операция жасалары айтылат милициянын билдирүүсүндө.
Белгилей кетсек, 19-июль күнү кечинде Аламүдүн райондук ички иштер бөлүмүнө 4 киши арыз менен кайрылган. Алар Кой-Таш айылындагы эс алуучу жайлардын биринде белгисиз бирөөлөрдүн ур-токмогуна кабылганын айытшып, аларга чара көрүүнү суранышкан.
Кийин бул факты боюнча 31 жаштагы Ысык-Ата районунун тургуну, 30 жаштагы Бишкек шаарынын жашоочусу жана К.Б. аттуу дагы бир адам кармалган.