Аялдар менен эркектердин саны дээрлик бирлей, бирок, эркектерге салыштырмалуу 8 жылга көбүрөөк жашашат. Бул туурасында Улуттук статистика комитетинен билдирди.
Маалыматка караганда, 2022-жылдын 1-январына карата Кыргызстанда 6,8 миллион адам жашаса, анын 50,4% аялдар. Жыл сайын кыздарга караганда эркек балдар бир аз көбүрөөк төрөлүүдө (100 кызга 105 эркек бала туура келет). Ал эми 80 жаштан ашкан аялдардын саны эркектердикинен дээрлик 2 эсе көп. 2020-жылы аялдардын орточо өмүрүнүн узактыгы 76 жашты, эркектердики 68 жашты түзгөн.