Авиацияда 65 жыл иштеген Бостондун тургуну Гиннесстин рекорддор китебине дүйнөдөгү эң узак иштеген стюардесса деп табылды.
86 жаштагы Бетт Нэш 1957-жылы Eastern Airlines авиакомпаниясында стюардесса болуп иштей баштаган жана ушул күнгө чейин үзгүлтүксүз эмгектенип келет.
Нэш карьерасынын көп бөлүгүн Нью-Йорк-Бостон-Вашингтон каттамында иштегенин айтат, анткени бул ага майып уулун багуу үчүн түнү үйүнө кайтып келүүгө мүмкүндүк берет.
Гиннестин рекорддор китебине ылайык, Нэш ошондой эле дүйнөдөгү эң кары стюардесса болуп саналат.