22-марттан 23-мартка чейин жаап өткөн жана күтүлүп жаткан жаан-чачынга байланыштуу кар көчкү түшүүсү күтүлөт. Бул туурасында Өзгөчө кырдаалдар министрлигинен билдирди.
Кооптуу аймактардын тизмеги:
Кыргызстандын тоолуу райондорунда, Бишкек-Ош унаа жолунун 121-138 чакырымында (Төө-Ашуу ашуусу),
- 198-255 чакырымында (Ала-Бел ашуусу, Чычкан капчыгайы),
- Суусамыр-Талас-Тараз 1-14 чакырымында (Өтмөк ашуусу),
- Ала-Бука-Каныш-Кыя унаа жолунун (Чапчыма ашуусу) 68-101 чакырымында,
- Красная Горка-Ак-Таш унаа жолунун 1-4 чакырымында,
- Мырза-Аке-Кара-Кулжа-Алайкуу унаа жолунун 55-107 чакырымында,
- Ош-Сары-Таш-Эркештам унаа жолунун (Талдык ашуусу) 160-179 чакырымында,
- Сары-Таш-Дароот-Коргон-Карамык унаа жолунун 136-137 чакырымында (Батман-Көл айылы),
- 147-150 чакырымында (Кара-Тейит айылы), Бишкек-Нарын-Торугарт 292-305 чакырымында (Долон ашуусу, Кара-Үңкүр капчыгайы),
- Казарман-Актал-Чат унаа жолунун 42-44 чакырымында (Ийри-Суу тилкеси),
- 60-94 чакырымында (Кара-Гөө ашуусу),
- Каракол-Эңилчек унаа жолунун 45-48, 65-90 чакырымында,
- Барскоон-Ак-Шыйрак унаа жолунун (Сөөк ашуусу) 52-68 чакырымында кар көчкү түшүүcү жана кар күрткүсү күтүлөт, жолдор тайгак болуп муз тоңот.
Унаалардын ортосундагы 500 метр аралык кыймыл чектелиши зарыл.