Мамлекеттик кадр кызматынын директору болуп Абдырахман Маматалиев дайындалды. Тиешелүү жарлыкка президентинин милдетин аткаруучу, премьер-министр Садыр Жапаров кол койгонун президенттин басма сөз кызматы кабарлайт.
Буга чейин аталган кызматты Сооронбай Жээнбековдун аппарат башчысы Досалы Эсеналиев бир нече күн жетектеген. Экс-президент Сооронбай Жээнбеков кызматын тапшырар алдында аны бул кызматка дайындаган.
Абдырахман Маматалиев Жогорку Кеңештин V чакырылышында “Ар-Намыс” фракциясынан депутат, 2014-2015-жылдары күч блогун тескеген вице-премьер болуп иштеген.
Анын уулу Марлен Маматалиев Жоргорку Кеңештин VI чакырылышынын депутаты. 4-октябрда өткөн парламенттик шайлоого “Мекеним Кыргызстан” партиясынын тизмеси менен барган.