Бүгүн, 26-июлда Кыргызстан жана Орусиянын жаш лидерлдеринин форуму өтүп жатат. Аталган форумга премьер-министр Мухаммедкалый Абылгазиев да катышты.
Ал форумунда сөз сүйлөп, жаштар саясатын өнүктүрүүнүн үч негизги багытын белгиледи.
«Мен жаштар саясатын өзгөртүүнүн үч башкы багытын көрүп турам. Биринчиси — жаштардын заманбап дүйнөнүн экономикалык процесстерине активдүү катышуусу. Экинчи багыт – жаштардын жумушсуздук маселелерин чечүү. Үчүнчүдөн – бул албетте, үй-бүлөлүк баалуулуктарды өнүктүрүү», — деп белгиледи Абылгазиев.
Белгилей кетсек, Кыргызстан жана Орусия жаш лидерлер форумунун ачылышында өлкө президенти Сооронбай Жээнбековдун атынан Президенттин Аппарат Жетекчиси Досалы Эсеналиев, ошондой эле эки мамлекеттин лидерлери сөз сүйлөштү.
