УКМКнын Тергөө абагында жаткан мурдагы президент Алмазбек Атамбаев Азиз Батукаевдин абактан бошотулушуна байланыштуу соттук отурумга келет. Бул тууралуу жактоочу Замир Жоошев маалымат каражаттарына билдирди.
Маалым болгондой, адвокат кечээ Атамбаев менен сүйлөшкөндө ал сотко келерин айткан.
Атамбаев буга чейин соттук отурумга келүүдөн баш тартып келген. Бирок аны 29-ноябрда Биринчи Май райондук сотуна мажбурлап алып келишкенин экс-президенттин жактоочусу Сергей Слесарев билдирген.
Атамбаев 8-августта Ички иштер министрлигинин (ИИМ) атайын операциясынан соң кармалып, УКМКнын тергөө абагына киргизилген.