Футбол боюнча АФК Кубогунун тайпалык баскычтагы оюндары Бишкек шаарында майдын 14нөн 20сына чейин өтөт. Мындай чечим Азия футбол конфедерациясынын кезектеги отурумунда кабыл алынды.
Бишкекте АФК Кубогунун Е тайпасындагы оюндар орун алат. Анда “Дордой” (Кыргызстан), “Ахал” (Түркмөнстан) жана “Равшан” (Тажикстан) командалары ойнойт.
Оюндар өтүүчү күндөр:
14-май (жума), 1-тур;
“Ахал” (Түркмөнстан) – “Равшан” (Тажикстан);
17-май (дүйшөмбү), 2-тур;
“Дордой” (Кыргызстан) – “Ахал” (Түркмөнстан);
20-май (бейшемби), 3-тур;
“Равшан” (Тажикстан) – “Дордой” (Кыргызстан).
Ал эми “Алай” командасы түшкөн F тобундагы оюндар Тажикстандын Дүшанбе шаарында өтүп, “Алай” (Кыргызстан), “Алтын Асыр” (Түркмөнстан), “Насаф” (Өзбекстан) жана Худжанд (Тажикстан) командалары беттешишет.
АФК кубогунун тайпалык баскычында жеңишке жеткен командалар 11чи жана 25-августта эки оюндан турган плей-ооф баскычында күч сынашат.
