Аида Исмаилова Кыргызстандын Корея Республикасындагы Атайын жана Ыйгарым укуктуу Элчиси болуп дайындалды. Бул тууралуу президенттин аппаратынын маалыматтык саясат бөлүмү билдирди.
Тиешелүү Жарлыкка өлкө башчы Садыр Жапаров кол койду.
Аида Исмаилова Жогорку Кеңештин VI чакырылышынын депутаты, социалдык маселелер боюнча комитетинин мүчөсү, ошондой эле Кыргызстан-Корея депутаттык достук тобунун жетекчиси болгон.
2020-жылдын 1-апрелинде социалдык маселелер боюнча вице-премьер-министр кызматына дайындалган.
2020-жылы октябрдагы парламенттик шайлоодо «Биримдик» партиясы менен шайлоого аттанган.