Жогорку сот мурдагы башкы прокурор Аида Салянованын иши боюнча чечимди жокко чыгарып, ишти жаңыдан кароого жөнөттү. Бул тууралуу аталган мекемеден билдиришти.
Маалыматка ылайык, 23-мартта Жогорку сотто отурум болгон. Сот отурумунда жактоочу Садыкованын соттолуучу Аида Салянованын кызыкчылыгы үчүн берген өтүнүчү жарым-жартылай канааттандырылып, Ленин райондук сотунун, Бишкек шаардык сотунун чечимдери жана Жогорку сотунун токтому жокко чыгарылып, кылмыш иши жаңыдан кароо үчүн Ленин райондук сотуна жөнөтүлгөн.
Белгилей кетсек, Аида Салянова 2010-жылы юстиция министри болуп турганда Алексей Елисеевдин жактоочулук лицензиясын мыйзамсыз узартып бергенге айыптап, кызмат абалынан кыянаттык менен пайдаланууга күнөөлүү деп табылган. Сот аны кызы 14 жашка чыкканга чейин 5 жылга шарттуу түрдө эркинен ажыратуу өкүмүн чыгарган.