Акыркы убакта айыл чарба багытындагы жерлерди турак жай салууга жарактуу деп көрсөтүп, мыйзамсыз сатуунун учурлары көбөйүүдө. Бул тууралуу Жер ресурстары агенттиги билдирди.
Агенттиктин маалыматында, жогорудагы алдамчылыктын натыйжасында жарандар миллиондогон сомдорго зыянга учурап жатышат.
Агенттик жер тилкесин сатып алардан мурун төмөнкү жагдайларга сөзсүз көңүл бурууну эскертти:
- жердин максаттуу багыты;
- менчик укугу жана каттоо даректери;
- бардык расмий документтердин болушу.
Ошондой эле жер сатып алууда расмий мамлекеттик органдарга гана кайрылуу керектиги, ошондой эле жердин статусун «Tunduk” тиркемесиндеги Мамлекеттик жер ресурстары агенттигинен (“Кадастр”) же аймактык бөлүмдөрдөн текшерүү керектиги айтылды.