Бишкек—Нарын—Торугарт унаа жолунда кичи автобус менен жеңил унаа катышкан жол кырсык катталды. Бул тууралуу Чүй облустук жол кыймылынын коопсуздугун камсыздоо бөлүмүнөн билдиришти.
Маалыматка караганда, жол кырсык 16-июлда саат 06:20 чамасында болгон. Анда “ДЭУ Нексиянын” айдоочусу уктап кетип, “Мерседес Бенц-311” кичи автобусун сүзүп алган.
Кырсыктын кесепетинен кичи автобустун айдоочусу жана жүргүнчү жабыркап, алар Кемин райондук ооруканасына жаткырылган.
Биздин Телеграм каналга катталыңыз