Ош-Бишкек унаа жолунда авто тыгын жаралды. Бул тууралуу Транспорт жана коммуникациялар министрлигинен билдирди.
Маалыматка караганда, 30-ноябрь күнү кечки саат 18:45 чамаасында Бишкек-Ош унаа жолунун Төө-Ашуу ашуусунда кар жаап, туннелдин түндүк тарабынан 128-чакырымында жүк ташуучу унаадан чиркегичтин илгичинен ажырап, жолду тосуп калгандыктан унаа тыгыны пайда болду.
Транспорт министрлигинин кызматкерлери Бишкек-Ош унаа жолунун 128-чакырымына чейин унаалардын тоскоолдуксуз жүрүшүн камсыздоо максатында унаалардын чиркегичтерин сүйрөө үчүн жөнөп кетишти.
Учурда бул тилкеде өтүү бир тилкеде жүргүзүлүүдө. Ошондой эле жол кызматкерлери трассаны кардан тазалап, тайгакка каршы материалдар менен толтурууда. Ушундай эле жумуштар республиканын Ала-Бел, Көк-Бел, Өтмөк, Чапчыма жана башка ашууларында жолчулар тарабынан жүргүзүлүүдө.
2022-жылдын 30-ноябрында саат 17:00дө Сосновка транспорттук көзөмөл пунктунда жүк ташуучу унааларга чектөө киргизилип, ал дагы эле күчүндө.
Аба ырайынын катаал шарттарына байланыштуу ашуу тилкелерине чыга турган айдоочуларга жайкы дөңгөлөктөрүн кышкысына алмаштырып, ынтымакта болуп, жасалма тыгындарды жана тыгындарды жаратпоо үчүн ашууларда каршы тилкеге чыкпоону сунуштайт министрлик.
Ошондой эле министрлик унаалардын айдоочуларын ашуу тилкелеринен өтүүдө кыйынчылыктарды болтурбоо үчүн өтүүчү тилкелерге кирүүдө кардын чынжырын тагынууга чакырат. Жолдордун деформациясын болтурбоо үчүн ашуу тилкелерин кесип өткөндөн кийин тегиз жерде тайгаланууга каршы чынжырларды алып салуу керек. Мындан тышкары жолго чыгаардын алдында унаанын техникалык абалын текшерүү керек өтмөктөрдү кесип өтүүдө көйгөйлөр көп.
Биздин Телеграм каналга катталыңыз