Кыргызстандык спортчу Айпери Медет кызы Албанияда өткөн күрөш боюнча рейтингдик турнирде күмүш байгеге ээ болду.
Ал 76 килограммга чейинки салмак ченинде күч сынашты.
Кыргызстандык балбан 1/8 финалдык баскычтан баштап, кытайлык спортчуну мөөнөтүнөн мурда 1:0 эсебинде жеңип алды. Чейрек финалда Медет кызы италиялыктан күчтүү болуп, эсеп 9:0 болду.
Жарым финалда Айпери Медет кызы Украинанын спортчусу Анастасия Алпееваны жеңди. Ал эми финалда Медет кызы АКШнын өкүлүнө 2:1 эсебинде утулуп, күмүш байгеге ээ болду.
Биздин Телеграм каналга катталыңыз