Айпери Медет кызы 23 жашка чейинки кыз-келиндер арасындагы күрөш боюнча Азия чемпионатында жеңишке жетишти.
Бишкекте өткөн мелдеште Айпери Медет кызы 76 кг салмакта алгач монголиялык Сарнай Баярбаатар менен килем үстүнө чыкты. Кыргыз кызы биринчи бөлүктө монголиялык спортчунун белине өтүп, алгачкы упайды топтоду. Экинчи бөлүктө балбандар ири упай ала алган жок, эсеп 3:1 болуп, Айпери жеңишти камсыздады.
Экинчи атаандашы индиялык Бипаша аттуу спортчу болду. Айпери аны 10:0 эсебинде мөөнөтүнөн мурда утуп алды. Үчүнчү кармашта өзбекстандык Озода Зарипбоева каршы чыгып, үч-төрт оодарып жеңишти илип кетти.
Медет кызы алдыда казакстандык Инкара Жанатаева менен күрөшөт.