Балбан кыз Айпери Медет кызы Professional Wrestling League-8 (PWL-8) мелдешине катышат. Бул тууралуу уюштуруучулар билдирди.
Мелдеш 25-февралда Алматыда өтөт. Айпери Медет кызы ал турнирде казакстандык балбан кыз Жамиля Бакбергенова менен күрөшөт. Алар 76 кг салмакта күч сынашат.
Айпери Медет кызы буга чейин дүйнө чемпионатында күмүш жана коло байге уткан. Азия оюндарынын жеңүүчүсү, коло байге ээси болгон. Азиянын эки жолку чемпиону, үч ирет күмүш тагынган.
Ал эми анын атаандашы Жамиля Бакбергенова дүйнө чемпионатында үч жолу күмүш, бир ирет колого татыган. Азия оюндарынын күмүш байге ээси. Азиянын үч жолку чемпиону, бир жолу күмүш жана бир ирет коло уткан.
Белгилей кетсек, ушул эле мелдешке Кыргызстандын грек-рим балбаны Акжол Махмудов да катышат.
Professional Wrestling League уюму 2022-жылы Россияда Poddubny Wrestling League деген ат менен түзүлгөн. Былтыр атын өзгөрткөн. Бул мелдеште балбандар бир беттеш өткөрүп, жеңүүчү аныкталат.
Бул уюм түзүлгөндөн бери 7 жолу мелдеш уюштурулуп, алардын бири Бишкекте өткөн.
Акжол Махмудовдун PWL-8 мелдешиндеги атаандашы белгилүү болду