Бүгүн, 13-мартта Жогорку Кеңештин жыйынында айрым кылмыштарга мунапыс берүүнү жокко чыгаруу боюнча мыйзамга өзгөртүүлөр 3-окууда кабыл алынды.
Мыйзам долбоорду Жогорку Кеңештин депутаттары Эрнис Айдаралиев, Марлен Маматалиев, Динара Ашимова, Айбек Маткеримов демилгелеген.
Мыйзам долбоорго ылайык, төмөнкү кылмыштар жасалган учурда мунапыс жөнүндөгү мыйзам колдонулбайт:
- террористтик ишти каржылоо;
- террористтик ишти жүзөгө ашырууга эл алдында чакыруу;
- уюшкан топторду жана кылмыштуу жамааттарды каржылоо;
- курал-жарактарды, ок-дарыларды мыйзамсыз жүгүртүү;
- диверсия.