Президент Садыр Жапаров айрым кылмыштарга мунапыс берүүнү жокко чыгарган мыйзамга кол койду. Бул тууралуу «Эркин-Тоо» гезитинин 8-апрелдеги санына жарыяланды.
Өлкө башчы «Мунапыс берүү негиздери жана аны колдонуу тартиби жөнүндө» мыйзамдын жаңы редакциясына 4-апрелде кол койгон. Мыйзам Жогорку Кеңеш тарабынан 13-мартта кабыл алынган.
Ага ылайык, төмөнкү кылмыштар жасалган учурда мунапыс берилбейт:
- террордук ишти каржылоо;
- террордук иштерди жүргүзүүгө карата ачык чакырыктар;
- уюшкан топторду жана кылмыштуу коомдоштуктарды каржылоо;
- куралды, ок-дарыларды мыйзамсыз жүгүртүү;
- диверсия.