Кыргызстандын ичиндеги эл аралык маанидеги айрым жолдордо автоунааларга саатына 110 чакырым ылдамдык менен жүрүүгө уруксат берилди.
Жол кыймылынын эрежелерине өзгөртүү киргизген токтом 31-октябрда кабыл алынганын өкмөттүн басма сөз кызматы билдирди.
Аталган сунушту Ички иштер министрлиги киргизген. Анын максаты эл аралык маанидеги унаа жолдордогу айрым тилкелерде ылдамдык режимин көбөйтүү менен өткөрүү жөндөмдүүлүгүн жогорулатууга багытталат.
Токтом расмий жарыялангандан 10 күн өткөндөн кийин күчүнө кирет.
Буга чейин айдоочулар өлкө ичиндеги эл аралык маанидеги жолдордо унаа ылдамдыгын саатына 90 чакырымдан ашырбашы керек болчу.