Айсулуу Тыныбекова АКШда күрөш боюнча чеберчилик сабак өткөрдү. Бул тууралуу ал өзүнүн фейсбуктагы баракчасына жазды.
«Кечээ АКШда Wrestle like a girl уюму менен бирге жаш спортчуларга алгачкы мастер-класс өткөрдүм. Ачыгын айтканда, аябай толкундандым, бирок бул жактагы кыздар мени жылуу кабыл алды. Өз потенциалдарын көрсөтүп, жогорку жетишкендиктерге жетүүсүн каалайм» — деп жазды.
Айсулуу Тыныбекова Токио олимпиадасынын күмүш байгесинин ээси. Ослодо өткөн Дүйнө чемпионатында алтын медаль уткан. Дүйнөнүн эки жолку чемпиону. Ушул тапта АКШда машыгып жүрөт.