Польшанын борбору Варшава шаарында өткөн «Poland Open» аттуу эл аралык турнирине 62 килограмм салмак ченинде катышкан Айсулуу Тыныбекова алтын медаль утту.
Тыныбекова биринчи баскычта орусиялык Ульяна 12:3 эсебинде жеңди. Кийинки баскычта тунистик Марва Амри менен кез келип, Айсулуу Тыныбекова 8:4 эсебинде утулуп жатып, беттеш бүтөрүнө 40 секунд калганда атаандашын далысынан басып таза жеңишке жетти.
Финалда Тыныбекова орусиялык Анжела Фоменканы 9:0 эсебинде мөөнөтүнөн мурда жеңип, алтын медалга ээ болду.
Белгилей кетсек, мелдеш 6-7-ноябрь күндөрү өтөт.
