Айзада Канатбекованын өлүмүнө байланыштуу Бишкек шаарынын Биринчи Май райондук ички иштер башкармалыгынын кызматкерлерине карата кылмыш иши козголду. Бул тууралуу Башкы прокуратурадан билдиришти.
2021-жылдын 5-7 апрель күндөрү 1994-жылы туулган Айзада Канатбекованын уурдалып, андан кийин өлтүрүлүшү боюнча факты Бишкек шаардык прокуратурасы тарабынан текшерилди.
Биринчи Май райондук ички иштер органдарынын кызматкерлеринин бардык иш-аракеттерин, функционалдык милдеттерин талаптагыдай аткаргандыгын, ар тараптуу жана толук изилдөө жүргүзүлбөгөндүгү боюнча бул факт 8-апрелде Бишкек шаарынын прокуратурасы тарабынан Кылмыштардын жана жооруктардын бирдиктүү реестрине Кылмыш-жаза кодексинин 331-бөлүмүнүн 2-бөлүгү (шалаакылык) менен өндүрүш иши башталды.
Сотко чейинки процесстин тергөө амалдары Бишкек шаары боюнча УКМКнын тергөө бөлүмүнө тапшырылды.