Ак-Буурага кулаган автоунаанын жүргүнчүлөрү дагы деле табыла элек. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, окуя 14-сентябрь күнү кечинде Ноокат районунда Ак-Терек-Папан-Кожокелен унаа жолунун 40-чакырымында (Күндү-Дөбө айылы) болгон. Анда “Хюндай-Портер” үлгүсүндөгү унаанын айдоочусу рулду башкара албай Ак-Буура дарыясына түшүп кеткен.
Унаадагы 3 адамдын ичинен бирөөсү аман калып, (1974-жылы туулган), жолдо бараткан унаанын жардамында Ош облустук ооруканасына жеткирилген. Ал эми 2 жаран (1956-жылы туулган эркек киши жана 2016-жылы туулган жаш бала) сууга агып кеткен.
Издөө иш-чараларын жүргүзүүгө 17 куткаруучу тартылган, бүгүн, 16-сентябрда да улантылууда.