Бишкек шаарынын мэриясы эски Ак-Кула ипподромунун жалпы аянты 45,73 гектар жер тилкесин аукционго койду. Бул тууралуу муниципалитет билдирди.
Анын баасы 8 миллиард 731 миллион 917 миңге бааланды.
Электрондук аукционго катышуу үчүн катышуучу жарыяланган сатуунун баштапкы суммасынан 10 пайыз өлчөмүндө кепилдик төлөмдү төлөшү керек.
Белгилей кетсек, Министерлер кабинети ат майдандын ордуна бизнес борбор курмакчы.
“Ак кула” 1947-жылы курулган. Ал 1998-жылы менчикке сатылып, 2018-жылы кайра мамлекетке кайтарылган.