Ак-Талаа району боюнча жалпы республикалык тестирлөөдөн эң жогорку балл алган мектепке унаа тапшырылат. Бул тууралуу парламенттин басма сөз кызматы билдирди.
Маалыматка караганда, Жогорку Кеңештин депутаты Мурадил Сыдыков акыркы 2-3 жылдан бери окуучулар менен мугалимдерди кызыктыруу максатында жалпы республикалык тестирлөөдөн эң жогорку балл алгандарга атайын сыйлык уюштуруп, тапшырып келет.
Быйыл да тестирлөөдө эң жогорку балл алган мектепке автоунаа, окуучуга ноутбук жана башка кызыктыруучу сыйлыктар тапшырылат.
Депутат мындай аракет райондогу мектептер арасында атаандаштыкты пайда кылып, окуучулардын окууга болгон аракеттерине түрткү берип, билим берүүнүн сапатын жакшыртууга өбөлгө болот деп эсептейт.
Биздин Телеграм каналыбызга катталыңыз